O Museo Casa da Troia de Santiago de Compostela inicia este venres, 17 de xullo, a súa temporada de visitas, logo de permanecer pechado por mor da covid-19. Poderá visitarse ata, polo menos, o 12 de setembro. O horario é de 11:00 a 14:00 e de 16:00 a 20:00 horas, pechando, como é habitual, os domingos e os luns. As tarifas son de 2'5 € (entrada xeral) e 1'5 € (nenos/as, estudantes, xubilados/as e peregrinos/as).
Os museos xestionados pola Xunta de Galicia, tras a súa reactivación despois do cese da actividade por mor da crise sanitaria da COVID-19, están xa reprogramando as actividades que tiñan previstas e ofrecendo un amplo abano de contidos para o segundo semestre do ano. Deste xeito, as dotacións culturais recuperarán algunhas das exposicións que se viron afectadas polo parón provocado polo virus. Ademais, as mostras dispoñibles poderán visitarse con todas as garantías de seguridade establecidas polas autoridades sanitarias.
Museo de Belas Artes da Coruña
O Museo de Belas Artes, unha dotación da Consellería de Cultura e Turismo, acollerá este outono "Vestir épocas", unha exposición monográfica sobre a evolución da moda que tratará de achegar á cidadanía os usos e costumes asociados aos séculos XIX e XX poñendo en diálogo e relación as distintas vestimentas, traxes e pezas de indumentaria coa súa iconografía e a súa época.
O Museo de Historia Natural da USC, en colaboración coa Asociación Galega de Apicultura (AGA), o CIFP Politécnico de Santiago e diferentes grupos de investigación das universidades galegas, organizou a exposición "Vespa velutina: unha invasión imparable".
A mostra explica os danos e ameazas que a vespa representa para a nosa biodiversidade, saúde e seguridade cidadá e os principais impactos socieconómicos, principalmente no sector da apicultura.
"O soño cubano da emigración galega" é unha mostra promovida polo Consello da Cultura Galega e o Arquivo da Emigración Galega coa colaboración da Secretaría Xeral da Emigración da Xunta de Galicia.
O título "Wonder Women" fai referencia a unha obra da artista norteamericana Dara Birnbaum, presente na colección, que se inspira pola súa vez nunha superheroína concibida orixinalmente para os cómics, a cal chegaría a protagonizar unha serie de televisión de grande éxito nos anos setenta.
Nos traballos de escavación retomados hai uns días nesta campaña 2019-2020 no Castro de Viladonga, vén de aparecer unha extraordinaria peza que, ademais de singular, achega unha grande información.
Rematou o traballo de recuperación da talla de vulto redondo que representa unha Virxe sedente con anxos. A escultura xa foi trasladada ao Museo das Peregrinacións e de Santiago, onde foi depositada para estudala en profundidade e determinar o seu valor patrimonial. Comeza agora un proceso de intervención para que se poida poñer a disposición da cidadanía.
O conselleiro de Cultura e Turismo, Román Rodríguez, e o presidente do Padroado do Museo do Pobo Galego, Justo Beramendi, asinaron o 12 de xuño o habitual convenio de colaboración anual entre a Xunta e esta institución, que nesta ocasión se reforza cunha partida adicional de 200.000 euros para iniciar o deseño da museografía que se estreará tras a ampliación do museo, un proxecto que desenvolve o Consorcio de Santiago por colaboración de varias administracións, entre elas o Concello de Santiago, representado no encontro polo seu alcalde, Xosé Sánchez Bugallo.
A mostra ‘Viae ad limina Sancti Iacobi’ está composta por máis de 40 debuxos, do artista Chencho Pardo Valdés, nos que se amosan cidades e vilas galegas que forman parte da rutas xacobeas. Pode visitarse no Museo das Peregrinacións e de Santiago, cos horarios e precaucións establecidas, que se poden consultar aquí.