Esta exposición é un evocador percorrido polas orixes do patrimonio inmaterial, a través de 93 instantáneas dalgúns dos fotógrafos documentalistas españois e estranxeiros máis importantes da historia.
Comisariada por Nuria Enguita, Bleda y Rosa. Xeografía do tempo reúne vinte e cinco anos do traballo fotográfico de María Bleda (Castellón, 1969) e José María Rosa (Albacete, 1970). A mostra articúlase arredor da serie "Campos de batalla", un proxecto iniciado en 1994 e finalizado recentemente mostrado ao público ao completo por primeira vez.
Bleda y Rosa, que recibiron en 2008 o Premio Nacional de Fotografía outorgado polo Ministerio de Cultura de España, son unha das referencias máis destacadas da fotografía española contemporánea.
Bañistas está constituído por un amplo conxunto de fotografías anónimas de mozos seminús, cubertos apenas cun traxe de baño, retratados en contacto coa natureza. Mozos que aparecen no exterior: á beira das praias, das piscinas ou no campo, en lagoas ou ríos, e que recrean a tradicional iconografía dos bañistas que tivo gran predicamento ao longo de toda a historia da arte.
En colaboración co 2º Encontro Internacional de Cadernos de viaxe: Compostela Ilustrada, poderase visitar esta mostra que recolle unha selección dos debuxos que Alfredo González realizou da cidade de Santiago de Compostela no ano 2012 para unha exposición que o Museo produciu nese mesmo ano e que tivo lugar na antiga sede da Casa Gótica.
Camiño e cidade constitúen o groso do contido temático deste Museo das Peregrinacións e de Santiago pero son ao mesmo tempo unha fonte inesgotable de inspiración para a creación artística contemporánea.
Co gallo da inauguración no Museo do IV Encontro Internacional de Cadernos de Viaxe Compostela Ilustrada, presentouse esta exposición, "Simplemente Santiago", con debuxos de Joaquín González Dorao.
O ilustrador gaditano presenta nesta mostra de orixinais unha recompilación de debuxos de Santiago, tras máis de seis anos de traballo para a súa colección de guías ilustradas. A catedral, as igrexas, os parques, os peregrinos, os museos, os bares, a vida de rúa... un Santiago diferente e completo.