#aculturasegue

Nestes momentos de confinamento, o Museo de Belas Artes está a organizar actividades para "quedar na casa", facendo así partícipes aos cidadáns da experiencia de vivir e coñecer o Museo a través de xeitos diferentes coas novas tecnoloxías.

Coincidindo coa exposición sobre Luís Seoane inaugurada hai uns meses, namentres esperamos a que reabra, o Museo ofrece un conxunto de actividades on line relacionadas con ela, que se poden atopar na ligazón www.belasartesnacasa.es.

O conselleiro de Cultura e Turismo, Román Rodríguez, acompañado do seu equipo e membros do Igape, presentou este xoves a través dun webinar no que se inscribiron máis de 600 profesionais e axentes do sector cultural o Plan de reactivación do sectores cultural e turístico fronte aos efectos derivados da COVID-19. Un proxecto pioneiro no ámbito autonómico que foi aprobado no Consello da Xunta que se porá en marcha este mesmo mes de maio.

A peza protagonista deste mes de maio procede do xacemento de San Cibrao de Las (“A Cidade”), en Cenlle (Ourense) e foi recuperada na campaña de escavación de 1992, levada a cabo polo equipo do Museo Arqueolóxico P. de Ourense, na ladeira oeste, arredor da porta da muralla e a rúa empedrada que sube ata a acrópole.

Este recipiente se encadra dentro do chamado grupo de olas con perfís en “S” que son unha forma moi habitual nos contextos de cambio de Era do medio Miño, sendo un dos tipos máis utilizados, quizais pola súa versatilidade.

Despois dun primeiro ciclo de cursos dedicados á aprendizaxe globalizada da lingua, as matemáticas e o coñecemento do medio natural a través da plástica, incorpórase a este programa de educación artística un tema transversal presente en todas as etapas educativas: a identidade.

#aculturasegue #Museonacasa

Aproxímase a conmemoración do Día Internacional dos Museos e, xa que vai ser unha festa en circunstancias moi especiais, os Museos de Galicia van achegando as súas propostas.

O Museo de Belas Artes creou a iniciativa #Museonacasa para animar ás persoas a achegarse dun xeito máis lúdico a algunhas das súas obras. Pode participar calquera que o desexe (é apto para todas as idades). As persoas gañadoras poderán ver as súas creacións na web do Museo xusto antes de celebrar o Día Internacional dos Museos.

#aculturasegue

#aculturasegue

Este ano, polas especiais circunstancias que estamos a vivir, a celebración do Día Internacional do Libro tivo que ser sobre todo a través do mundo virtual. Os nosos museos fixeron propostas mediante as redes sociais para que o 23 de abril se celebrase igualmente.

Na web do Observatorio de Museos de España (OME) veñen de crear unha nova pestana para acceder a todas as enquisas e estudos que se xa se remataron ou aínda se están a elaborar sobre o impacto do COVID-19 no sector museístico europeo.

Pódese acceder ás enquisas realizadas por:

• NEMO (Network of European Museum Organisations)
• ICOM (International Council of Museums)
• Ibermuseos
• ACRE (Asociación Profesional de Conservadores-Restauradores de España)

#aculturasegue

Este ano está a ser moi estraño polas especiais circunstancias que estamos a vivir e que, obviamente, non permiten os eventos e as celebracións aos que estabamos acostumados/as. Pero os nosos museos fixeron outras propostas a través das redes sociais para que o 23 de abril se celebre igualmente o Día do Libro. Por exemplo, o Museo Etnolóxico de Ribadavia convocou un concurso nas redes para conmemoralo: "O mes de abril na tradición". Sorteáronse dúas publicacións entre os/as participantes, e estas foron as persoas gañadoras!:

A Dirección Xeral de Belas Artes do Ministerio de Cultura e Deporte vén de facer pública unha nota de alerta para as autoridades e organismos nacionais e internacionais responsables da tutela do patrimonio cultural ante determinadas prácticas relacionadas coa loita contra o COVID-19. Ao respecto, o Instituto do Patrimonio Cultural de España difundiu unhas recomendacións sobre procedementos de desinfección en bens culturais. Adxuntamos ambos os documentos.