30 de abril do 2020 Reinterpretación de obras no Museo de Belas Artes

Museo de Belas Artes da Coruña

#aculturasegue #Museonacasa

Aproxímase a conmemoración do Día Internacional dos Museos e, xa que vai ser unha festa en circunstancias moi especiais, os Museos de Galicia van achegando as súas propostas.

O Museo de Belas Artes creou a iniciativa #Museonacasa para animar ás persoas a achegarse dun xeito máis lúdico a algunhas das súas obras. Pode participar calquera que o desexe (é apto para todas as idades). As persoas gañadoras poderán ver as súas creacións na web do Museo xusto antes de celebrar o Día Internacional dos Museos.

Estas son as condicións:

  1. Seleccionar unha das nove obras que propón o Museo.
  2. Crear e interpretar a obra cos materiais ou coas técnicas que se queiran, dando unha versión propia.

 

O prazo remata o 15 de maio.

As obras seleccionadas anunciaranse o 18 de maio, Día Internacional dos Museos, e subiranse á web oficial do Museo Belas Artes da Coruña.

Xa están chegando as primeiras obras! Pódense ver na conta do Museo en Facebook, onde tamén hai máis información sobre esta iniciativa.

Galería

  • Obras propostas na iniciativa #Museonacasa