A Estatística de Museos e Coleccións Museográficas é unha investigación de periodicidade bianual, promovida conxuntamente pola División de Estatística e a Subdirección Xeral de Museos Estatais do Ministerio de Cultura, o Ministerio de Defensa (en relación cos museos militares) e as comunidades autónomas.

Esta operación estatística, pertencente ao Plan Estatístico Nacional, foi implantada no ano 2000 en participación co grupo de traballo de Eurostat sobre Estatísticas Culturais da Unión Europea.

Anxo M. Lorenzo destaca a importancia do legado de Luís Seoane na presentación do catálogo que recolle as súas obras.

O director xeral de Políticas Culturais, Anxo M. Lorenzo, presentou o 20 de febreiro o catálogo Luís Seoane no Museo de Belas Artes da Coruña. O legado de Maruxa Seoane, unha publicación que recolle as obras da grande exposición que a institución cultural dedica a este polifacético pintor e que permanecerá aberta ata o 8 de marzo.

O 21 de febreiro tivo lugar no Museo Etnolóxico de Ribadavia a presentación do catálogo Colección Abrente. Arte galega no desafío cultural dos 70. O acto contou coa presenza de Sabela Fraga Costa, comisaria e autora dos textos, e Juan Venditti, deseñador do catálogo.

Ademais, ese día inaugurouse a segunda fase da exposición desta agrupación cultural, cuxa colección contén 58 obras dun total de 29 autores.

Francesc Torres (Barcelona, 1948) é amplamente recoñecido como un dos referentes históricos da instalación multimedia, membro da primeira xeración de instaladores xurdida no contexto artístico norteamericano na primeira metade dos anos setenta. A súa experiencia vital e artística levoulle vivir a medio camiño entre Barcelona e Nova York, e nos últimos vinte anos estableceu un forte vínculo con Galicia, pasando varias tempadas na Costa da Morte.

Mostra temporal composta por preto de 50 pezas coas que coñecer parte da historia alimentaria de Galicia a través do millo.

Catro bloques enriquecen esta viaxe a través do gran:

• a historia da planta coas diversas variedades dela que existen (branco, pego ou corvo…)
• o pan
• os múltiples usos e recursos do millo
• os exemplos de arquitectura adxectiva con el relacionada

Lugar: sala didáctica “O devir das estacións”.

O Museo Liste de Vigo vén de facer pública a súa programación de visitas, exposicións e actividades educativas que terán lugar de xaneiro a marzo deste ano.

Este museo etnográfico, que recolle o legado de Olimpio Liste Regueiro no eido da etnografía, ofrece unha visión globalizadora do patrimonio etnográfico galego. Conta con salas de exposición permanente, distribuídas en tres plantas, nas que descubrir anacos da nosa historia: arte tecido, o escultor da madeira, a cultura do centeo, a simboloxía dos oficios artesáns, a materialidade da fe ou a arte de curar.

Escolma de pezas procedentes do Museo Liste de Oseira e de diversas coleccións particulares.

Os obxectos distribúense en oito recantos que dan conta do seu significado e uso, reflectindo a evolución da cultura alimentaria en Galicia e a dos obxectos vencellados a ela nos séculos XIX e XX.

1º recanto: as bebidas.

2º recanto: a preparación dos alimentos.

3º recanto: complementos esporádicos: caza e pesca.

4º recanto: a horta.

5º recanto: o servizo de mesa.

6º recanto: a infancia.

A Consellería de Cultura e Turismo participou na segunda xuntanza do Consello Asesor do Observatorio de Museos de España (OME) que se levou a cabo o 16 de decembro de 2019 no Museo de América, en Madrid.

Na rolda de prensa do Consello do 19 de decembro, Feijóo explicou que a nova Lei de Museos terá unha dobre finalidade: regular o réxime xurídico de todos os centros de natureza museística de Galicia -museos, coleccións museográficas e centros de interpretación do patrimonio cultural da Comunidade- e a posta en marcha do Sistema galego de centros museísticos.

O Museo do Viño de Galicia ofrece una nova aplicación propia para dispositivos móbiles con guía multimedia para a visita ao museo e ás cinco Rutas do Viño de Galicia.

O Museo do Viño de Galicia, dependente da Consellería de Cultura e Turismo, inaugurado o pasado mes de xullo, introdúcese nas máis novas tecnoloxías cunha aplicación gratuíta que os/as visitantes poderán descargar nos seus dispositivos móbiles dende os markets de iOS e Android.