A mostra "Galicia a terra dos mil panos. Roupa de levar á vila" está elaborada con bens da colección da Asociación Etnográfica Sete Espadelas, e propón unha atractiva achega ás pezas de vestimenta tradicional de Galicia.

Mediante unha coidada selección, do total de obras que compoñen a exposición orixinal, a mostra presenta elementos tan singulares como 7 mantóns antigos de paisley de espectacular colorido e deseño con máis de 150 anos de antigüidade e panos de cabeza, de bobiné de batista ou tule bordados a man.

O secretario xeral de Cultura, Anxo M. Lorenzo, participou o venres na inauguración da nova exposición en gran formato sobre a romanización de Galicia que pode visitarse no Parque Arqueolóxico da Cultura Castrexa de San Cibrao de Las. A mostra nútrese de pezas correspondentes á última fase do traslado dos fondos arqueolóxicos e artísticos, fundamentalmente pétreos, que custodiaba a antiga sede do Museo Arqueolóxico de Ourense.

A Fundación Museo de Artes do Gravado á Estampa Dixital convocou a edición de 2020 do Premio Internacional Atlante de Gravado, que aglutina os seguintes galardóns, ademais de comportar a edición das obras distinguidas:

• Premio Ramiro Carregal de gravado de 5.000 €
• Tres premios dotados con 2.500 € cada un
• Un premio especial Pedras de Santiago, de 2.000 €, para un/unha artista nacido/a ou residente en Galicia

O prazo de inscrición manterase aberto ata o 31 de maio de 2021.

O conselleiro de Cultura, Educación e Universidade, Román Rodríguez, presentou este mércores o catálogo da exposición "Viae ad limina Sancti Iacobi", elaborado polo artista Chencho Pardo Valdés, a quen agradeceu o seu "agasallo a Galicia" cun traballo "excepcional e xenuíno" que se converterá nunha peza clave para seguir divulgando a cultura xacobea a través da arte. Román Rodríguez agradeceu a contribución do debuxante e calígrafo lucense para "reinterpretar nesta obra a beleza do patrimonio paisaxístico de Galicia, sen perder o seu enfoque realista e o seu valor histórico".

Os museos conmemoraron esta data con diversas actividades de promoción do patrimonio.

O Museo das Peregrinacións e de Santiago promove con esta exposición a revalorización do patrimonio cultural galego, especialmente o relacionado coa meta da peregrinación xacobea, un programa expositivo con máis de dez anos de vida.

A revista CROA é unha edición anual do Museo do Castro de Viladonga. De carácter informativo e científico, está composta por artigos de temática arqueolóxica, histórica, artística e patrimonial. Pretende ser o órgano de expresión científica e cultural do Museo, e ademais servir de vía de comunicación con outros museos a través do intercambio con outras institucións interesadas.

O Museo Arqueolóxico de Ourense amosa unha selección da súa colección pétrea no Parque Arqueolóxico da Cultura Castrexa de San Cibrao de Las.

Mentres avanzan a bo ritmo as obras de rehabilitación do Pazo do Bispo, sede do museo na praza Maior de Ourense, o museo amosará unha selección de pezas, moitas delas ata o de agora descoñecidas para o público, que se conservaban neste edificio. Un traballo que, se ben comezou coa idea de expoñer estas pezas a modo de almacén visitable mentres se realizan as devanditas obras, deu como resultado unha magnífica exposición.

No marco do Encontro Internacional de Cadernos de Viaxe Compostela Ilustrada, cada ano deséñase un proxecto con ilustradoras co obxectivo de poñer en valor o papel da muller no mundo da arte. Nesta cuarta edición, a artista seleccionada foi a asturiana Catalina Rodríguez, coa finalidade de levar a cabo un ambicioso proxecto que a levaría a percorrer e debuxar o Kumano Kodo e o Camiño de Inverno.

O Museo de Belas Artes da Coruña inaugurou a exposición temporal Vestir épocas, 1860-1960. A colección González-Moro, que se poderá visitar ata o 14 de marzo de 2021.

O obxectivo desta exposición é ofrecerlle á cidadanía unha programación de calidade en contornos destacados do patrimonio cultural, co fin de promover e fomentar o interese creativo do conxunto da poboación de Galicia, en concordancia coas competencias e funcións da Consellería de Cultura.