No marco do seu programa de artistas de media carreira, o CGAC presenta unha mostra individual da artista Mar Caldas (Vigo, 1964), pioneira da praxe artística feminista en Galicia. A súa obra, fundamentalmente fotográfica, renova sempre o seu cariz reivindicativo para atender aos diferentes atrancos que, pola súa condición, atenazan a vida das mulleres.
A Casa do Chocolate está situada na aldea de Teimende, no Concello de Parada de Sil (Ourense), corazón da Ribeira Sacra e de gran riqueza patrimonial e paisaxística. O centro museístico sitúase no inmoble que foi fábrica do chocolate comercializado co nome de “Chocolates Caldelas” ata o cese da súa actividade nos anos oitenta do século pasado.
O Museo de Belas Artes organiza un ciclo de conferencias no marco da exposición "Arquitecturas que falan do seu tempo".
Salón de actos do Museo 19.00 h Entrada libre
"Modernidade na Academia: das primeiras arquitectas racionalistas ata hoxe"
Luz Paz Agras | Doutora arquitecta e profesora na ETSA-UDC
"Mestres na arte de construír: a fortuna dun legado"
Jesús Ángel Sánchez García | Doutor e Catedrático en Historia da Arte pola USC
Con motivo da celebración do Día Mundial da Educación Ambiental afondaremos na importancia da reutilización e as súas múltiples posibilidades.
A través dalgunhas das pezas do museo poderemos achegarnos máis a este concepto de forma clara e divertida para a cativada para despois realizar un taller no que demos unha nova vida a algún material presente no noso día a día.
O Museo Etnográfico Liste de Vigo presenta a súa nova programación de actividades para o primeiro trimestre de 2025, de xaneiro a marzo. O programa inclúe información sobre:
Exposicións:
Lugar: Sala de Exposicións Temporais.
Datas: ata o 31 de decembro.
Lugar: Sala de A madeira es-cavada.
Datas: do 18 de febreiro ao 8 de marzo.
O programa comeza coa noción da posmemoria e a súa capacidade para, desde a produción cultural, imbricar as historias traumáticas familiares coa historia de todo un país. Pensamos que é este un concepto útil para o noso contexto, onde as memorias arredor do golpe militar de 1936 adoitan permanecer vívidas a través das xeracións, en tanto que a memoria oficial teima en soterralas, como se o noso presente non estivese atravesado por un doloroso pasado.
Os museos xestionados pola Xunta de Galicia recibiron durante o 2024 un total de 576.866 visitantes, o que supón un 23% máis que no ano anterior, cando o balance do exercicio sumou 468.612 visitas nestes centros museísticos.
O Museo das Peregrinacións e de Santiago aumentou as súas cifras con 60.986 asistentes, 12.000 máis que o ano pasado, cunha programación na que a gran protagonista foi Verba Volant Picta Manent, unha selección de obras coas que se conmemoraron os 25 anos do inicio das exposicións temporais no centro.
A presentación pública terá lugar o 8 de xaneiro ás 20:00 h, na sala de exposicións "Escolma de escultura", con entrada libre.
Como cada mes, o Museo escolle algunha peza de entre os seus fondos (neste caso, dos arqueolóxicos) para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.
A peza protagonista deste mes: Equipamento pesqueiro fluvial antigo.
O Museo do Videoxogo (MUVI) é o primeiro centro museístico de Galicia e de España relacionado co videoxogo, entendendo este como unha forma de expresión artística e cultural e como unha ferramenta educativa máis alá da súa dimensión lúdica.
Esta institución museística garante a preservación cultural do videoxogo e do seu legado universal, a súa transcendencia histórica, referencias, influencia e impacto social a través dos tempos, con especial atención ao videoxogo galego.
Co título xenérico de "a cultura da saúde no entorno rural", preséntase, por unha banda, o libro "A saga das curandeiras", de Marisa Castro Cerceda, e por outra banda, o libro "A inmoral doutora Cons", de Roberto Fernández Álvarez.