O curso céntrase nas técnicas calcográficas de punta seca e aditivas. Os alumnos iniciaranse nos procesos do gravado e na súa comprensión como medio de expresión nas súas diferentes etapas: preparación e uso adecuado dos materiais, estampaxe e reprodución exacta dun número de probas orixinais por matriz.

Destinatarios: público adulto non iniciado.

Grupo dos venres: do 28 de marzo ao 25 de abril (agás o 18 de abril), de 17:30 a 19:30 horas.

Grupo dos sábados: do 29 de marzo ao 26 de abril (agás o 19 de abril), de 11:00 a 13:00 horas.

A Biblioteca do Museo de Belas Artes da Coruña presenta a segunda edición de LecturArte, o clube de lectura organizado desde o museo.

LecturArte é un lugar de encontro para persoas lectoras e curiosas sobre o tema da arte, a través da lectura e comentario de novelas ambientadas no mundo da arte, que teñen como protagonistas a artistas ou que presentan cuestións interesantes relacionadas co tema.

Coordina: Cecilia Monllor. Estableceránse dous grupos co seguinte horario:

O Museo inicia no primeiro semestre do ano unha nova edición do ciclo anual "Os temas da arte". Xa iniciado con anterioridade, baixo o título Tirando do fío (2ª parte),  atende á evolución dos valores da vestimenta mediante exemplos de obra plástica relevante de cada período; neste ano coa intención de abordar os cambios históricos substanciais e a consecuente evolución dos traxes en Occidente da época decimonónica.

Obradoiro dirixido polos ilustradores Michel Casado e Sofía Venzel para aproximarse ás dificultades coas que se atoparon as mulleres que, a comezos do pasado século, querían estudar. O suxestivo título serve para presentar as restriccións que tiveron as mulleres para o acceso aos estudos superiores, e qué tería pasado se as avoas tiveran ido ás universidades. Mediante a técnica do paste up, empregada na arte urbana, as nenas e nenos poderán imaxinar e dar forma a unha vida alternativa para elas.

Peixeiras é unha pequena mostra temporal dentro da serie "Unha peza singular", na que, a partir da presentación dun debuxo de Carlos Maside, abordamos, unha vez máis, a falta de recoñecemento que tradicionalmente sufriron as mulleres no ámbito laboral do sector pesqueiro.

A mostra compleméntase cun vídeo e un crebacabezas.

 

Da man de Compostela Ilustrada, por primeira vez o Museo das Peregrinacións e de Santiago acolle unha exposición con deseños de cómic vencellada ao Camiño. Esta nova mostra xira arredor da publicación A aventura xacobea de Simón Martel. Neste cómic, dous adolescentes, a moza Simón e o seu amigo Brais, deciden percorrer o Camiño na compaña dos tíos da primeira. Distintos personaxes reais vanse cruzando na súa peregrinación e van achegando á historia novos perfís e ideas.

No marco das Xornadas de Innovación e Dixitalización para Mozidade (InnovaDavia), coa colaboración do OMIX e o concello de Ribadavia, terá lugar no Museo Etnolóxico unha mesa de debate sobre Intelixencia Artificial e o seu impacto social, coa participación dos ponentes:

Paula Rodríguez Rivera da Universidade de Vigo (campus Ourense) e dous membros de Elitek Soluciones: Jairo Carrera e Nicolás Álvarez.

A presentación pública terá lugar o 12 de marzo ás 20:00 h, na sala de exposicións "Escolma de escultura", con entrada libre.

Como cada mes, o Museo escolle algunha peza de entre os seus fondos (neste caso, dos arqueolóxicos) para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.

Obxectivos

• Coñeceremos a contribución ás ciencias naturais de distintas mulleres dos últimos 400 anos.
• Relacionaremos os seus achados coas exposicións do museo.
• Comprenderemos o por que dun día da muller traballadora.
• Realizaremos as nosas pequenas aportacións á ciencia.

Metodoloxía

Descubrimento a través de actividades e xogos

Responsable

Sabela Pérez Castro

Idade

De 9 a 14 anos

Tamaño dos grupos

En 2025 haberá dous eclipses totais de Lúa e un parcial de Sol visibles dende Galicia. Daremos indicacións sobre a visibilidade e as técnicas para observar estes fenómenos.

Ademais falaremos das eclipses de Sol que se producirán na península ibérica nos anos que veñen, que farán da península un dos lugares do mundo máis axeitados para disfrutar deles.