As fundacións FUNDAMAR e FUNPROMAR organizan as X Xornadas divulgativas sobre o papel da muller no sector pesqueiro e conserveiro no marco do programa SEREAS “as mulleres do mar”, ao servizo da divulgación e visibilización da muller no sector mar-industria. O obxectivo da xornada, será homenaxear, como todos os anos, ás novas protagonistas que formarán parte do repositorio SEREAS, grazas a colaboración da Concellería de Igualdade do Concello de Vigo. As xornadas terán lugar o xoves 24 de outubro ás 12:00h, no Museo Verbum de Vigo.

Dende o tempo dos Celtas, coa chegada do outono, os nosos antepasados apuraban o remate da tempada de colleitas e as familias preparábanse para as longas e frías noites do inverno. Pero se en Galicia hai unha tradición é que nunca se remata un choio sen celebralo por todo o alto. Nese momento as despensas estaban ateigadas de cereal, mel, viño, carne curada da matanza... e por suposto castañas... Xa temos os ingredientes necesarios para un bo magosto!

Novo curso do ciclo "Os temas da arte": Deuses e heroes da mitoloxía clásica, unha temática na que con afán divulgativo, pero rigoroso, se estudará que son os mitos e a forma particularmente rica que lle deron os gregos, única entre as mitoloxías dos pobos indoeuropeos.

A súa explicación transportaranos nunha viaxe polas palabras, as Belas Artes e a Literatura do mundo occidental, con atención a Galicia e especialmente á Coruña, cos seus museos e paisaxe urbana.

No marco do Plan Corresponsables, o museo organiza estas actividades en familia, nas que este ano vanse buscar os misterios que se agochan nun museo, un lugar cheo de historias, curiosidades e misterios incribles. Cada un dos enigmas que se expoñen neste taller trasladarán a un momento transcendente da historia da arte, a un movemento artístico revolucionario ou a un artista destacado.

Elaborado por Alma Blanco Arkhé Espacio Educativo.

Datas: Sábados do 19 de outubro ao 30 de novembro de 2024.

No Museo Etnolóxico farase unha xuntanza para falar de arquivos sonoros e a historia da gravación.

Achégate a escoitar e a participar da gravación en directo do podcast "Mal me queres. Recuperando o arquivos sonoros de Ribadavia".

Coas intervencións de Xabier Oliveira, Xabier Gómez Suárez e David Cabral (Natural-Zero) e moderado por Julio Gómez de @sinsalaudio.

A presentación pública terá lugar o 9 de outubro ás 20:00 h, na sala de exposicións "Escolma de escultura", con entrada libre.

Como cada mes, o Museo escolle algunha peza de entre os seus fondos (neste caso, dos arqueolóxicos) para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.

O cinema contemporáneo continúa investigando sobre as novas formas do cinematográfico, desde as vangardas ata o cinema expandido. Nesta traxectoria, o museo foise consolidando como un espazo onde o cinema tamén ten lugar, xa que acolle nas súas salas as propostas e os discursos experimentais dunha nova xeración de autoras e autores.

Ciclo de música dedicado a intérpretes e profesionais galegas e galegos, organizado polo Museo de Belas Artes da Coruña.

Datas: Os domingos 20, 27 de outubro; 10, 17 de novembro e 1 de decembro de 2024.

Horario: 12:30h

Todos os concertos celebraranse no salón de actos os citados domingos, ás 12:30 h, e serán retransmitidos por streaming na canle de YouTube do Museo.

Entrada libre ata completar aforo.

Programación

Ciclo de música dedicado a intérpretes e profesionais galegas e galegos, organizado polo Museo de Belas Artes da Coruña.

Datas: Os domingos 20, 27 de outubro; 10, 17 de novembro e 1 de decembro de 2024.

Horario: 12:30h

Todos os concertos celebraranse no salón de actos os citados domingos, ás 12:30 h, e serán retransmitidos por streaming na canle de YouTube do Museo.

Entrada libre ata completar aforo.

Programación

O ciclo de conferencias amosará en profundidade aspectos para coñecer mellor o espazo perdido coñecido como "Torre de la Parada", do que na actualidade se amosa unha reconstrucción virtual no Museo.