O conselleiro de Cultura, Educación e Universidade, Román Rodríguez, acompañado pola comisaria do Xacobeo 21-22, Cecilia Pereira, inaugurou onte a exposición "Destino", unha peregrinación de Manuel Valcárcel no marco do 70 aniversario do Museo das Peregrinacións e de Santiago.

Como cada mes, o Museo escolle algunha peza de entre os seus fondos –neste caso, dos arqueolóxicos- para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.

"Destino" é un proxecto persoal do fotógrafo monfortino Manuel Valcárcel Cabo (1975), coñecido profesionalmente como Piro. Comezou no ano 2016 e trátase dunha peregrinación interior por catro continentes que vai unindo historias ligadas por un mesmo destino: partindo da idea de que o destino marca o noso devir, son as nosas eleccións as que en realidade marcan o camiño.

A escultora Soledad Penalta é a convidada da última sesión do ciclo As mulleres cen anos despois de Emilia Pardo Bazán. Conversas na Casa-Museo, que terá lugar este xoves, 2 de decembro, ás 18:00 horas no salón de actos da Real Academia Galega (rúa Tabernas, 11 - A Coruña).

A entrada é libre. A conversa poderá seguirse tamén en directo dende a canle de Youtube de Cultura da Coruña (https://www.youtube.com/watch?v=coDAswBq3IY).

O secretario xeral de Cultura, Anxo M. Lorenzo, inaugurou o xoves 18 de novembro no Museo de Belas Artes da Coruña a exposición antolóxica "Alejandro González Pascual (1930-1993)", coa que a Xunta ofrece unha visión renovada da obra e da traxectoria artística deste recoñecido pintor coruñés.

O Museo de Belas Artes da Coruña presenta unha exposición dedicada ao pintor coruñés Alejandro González Pascual (1930-1993), unha das figuras máis singulares das últimas décadas do século XX da plástica galega. Esta mostra continúa a serie de exposicións monográficas organizadas polo museo dedicadas a diferentes pintores galegos, como as realizadas anteriormente sobre Tino Grandío, Antonio Tenreiro, Manuel Colmeiro, Felipe Criado e Alfonso Sucasas.

O Museo Etnolóxico de Ribadavia acolle a exposición "Fábulas de Almada Negreiros", composta por diferentes ilustracións do referente da arte moderna portuguesa José de Almada Negreiros. O secretario xeral de Cultura, Anxo M. Lorenzo, participou o 11 de novembro na inauguración da mostra, enmarcada no proxecto transfronteirizo Nortear, que busca reforzar os vínculos na Eurorrexión Galicia-Norte de Portugal arredor das manifestacións artísticas.

A exposición “Fábulas de Almada Negreiros”, que reúne 49 tintas chinesas orixinais, realizadas en 1936 para ilustrar o libro Fábulas do escritor e xornalista Joaquim Manso, con dirección gráfica de Luís de Montalvor (codirector de Orpheu), é representativa da profunda simbiose coa escritura e o talento gráfico de Almada Negreiros. Tamén se mostra un reducido e delicado elenco de ilustracións deseñadas para O pórtico e a nave (1943), obra do mesmo autor e editor, con quen Almada se asocia para outras publicacións alternativas e excepcionais.

Este novembro o MUPEGA súmase á celebración do Mes da Ciencia retomando as actividades infantís.

Así, con motivo de dita celebración, o venres 19 de novembro de 17:30 a 18:30 realizarase o obradoiro “Con ollos de científic@” dirixido a nenos e nenas de 6 a 11 anos. Nesta actividade os rapaces e rapazas poderán descubrir, mediante a experimentación e a construción de pequenos xoguetes ó pticos, como funciona unha das pezas expostas no MUPEGA: o proxector cinematográfico.

Organizado polo Museo de Belas Artes da Coruña, e durante os días 24 e 25 de novembro de 2021, buscarase levar a cabo unha análise integral da implementación das novas tecnoloxías nos museos, desde dúas perspectivas principais: