Entre o 13 de xaneiro e o 26 de febreiro deste 2025, tivo lugar na cidade de Prayagraj un Kumbh Mela especial. Este evento adoita celebrarse cada 12 anos e, cando este ciclo coincide coa órbita completa de Xúpiter (12 ciclos de 12 anos), tórnase excepcional e denomínase Maha, é dicir, «gran». Manuel Valcárcel «Piro» recolleu un suceso que non se repetirá ata dentro de 144 anos; o último tivo lugar en 1881. E recólleo en espectaculares e tamén sobrecolledoras imaxes.

A partir do 19 de xullo o Museo abrirá as súas portas todos os sábados en horario de mañá e de tarde, de 11:30 a 14:00 e de 17:00 a 21:00.

A decisión busca adaptarse aos horarios do lecer estival e ofrecer máis oportunidades para a visita tanto da veciñanza como das persoas que escollan Cangas do Morrazo como destino turístico.

Dirixido a nenas e nenos dende oito anos (e menores acompañados), trátase dun obradoiro práctico de aprendizaxe de cinco nós mariñeiros básicos: Cote, As de Guía, Chan, Oito e Ballestrique.

Explicaranse a súa orixe e aplicación, e cada persoa participante elaborará un chaveiro cun tipo de nó mariñeiro.

O obradoiro terá aproximadamente hora e media de duración.

A inscrición é gratuíta e deberá realizarse chamando ao teléfono 886 151 101 ou a través do correo museo.masso@xunta.gal.

Obradoiro Con A de astrónomas, no que se aborda a aportación de diferentes mulleres astrónomas que foran esquecidas. Dende Hipatia de Alexandría no século IV ata o século XIX co grupo de astrónomas do Observatorio de Harvard as cales fixeron grandes descubrimentos que cambiarían o rumbo da astronomía.

Está pensado para nenas e nenos dende seis anos de idade.

A inscrición é gratuíta mediante reserva no teléfono: 886 151 101 ou no correo electrónico: museo.masso@xunta.gal.

Made in China é unha exposición que pretende poñer en valor as contribucións que a cultura chinesa fixo a Galicia,  descubrindo unha relación máis estreita e produtiva do que podería parecer.

VENRES 1 AGOSTO - 21:30 H. IGREXA DA MADALENA

LAURA SAM //

MURCIA. Poeta e artista Rap. En 2012 comeza en Bilbao a súa andaina no xénero performativo-literario spoken word. Foi directora durante 5 anos de Poemátika, un festival derivado del Spoken Word Bilbao. Ata o momento, ten editados dous poemarios: Incendiaria (2019) e Géiser (2022). Na súa faceta musical, edita xunto co artista vasco Juan Escribano o disco La voz en contra (2022).

EMBOSCADAS

VENRES 1 AGOSTO - 21:30 H. IGREXA DA MADALENA

LAURA SAM //

MURCIA. Poeta e artista Rap. En 2012 comeza en Bilbao a súa andaina no xénero performativo-literario spoken word. Foi directora durante 5 anos de Poemátika, un festival derivado del Spoken Word Bilbao. Ata o momento, ten editados dous poemarios: Incendiaria (2019) e Géiser (2022). Na súa faceta musical, edita xunto co artista vasco Juan Escribano o disco La voz en contra (2022).

EMBOSCADAS

Dentro das funcións principais do museo está a organización periódica de actividades científicas e divulgativas para a promoción e difusión entre todo tipo de públicos. En relación coa educación, o Museo leva a cabo un completo programa educativo destinado especialmente aos menores e que á súa relación co Museo e o medio que o rodea xurda de xeito natural. Nesta ocasión, trátase de achegar aos rapaces e rapazas ao mundo do mar ao través do oficio tradicional de redeira cun obradoiro práctico para coñecer as técnicas de confección das redes de pesca e os distintos tipos de artes.

Dentro das funcións principais do museo está a organización periódica de actividades científicas e divulgativas para a promoción e difusión entre todo tipo de públicos. En relación coa educación, o Museo leva a cabo un completo programa educativo destinado especialmente á cativada e que a súa relación co Museo e o medio que o rodea xurda de maneira natural.