O Museo das Peregrinacións leva dende o ano 2018 colaborando co Encontro Internacional de Cadernos de Viaxe Compostela Ilustrada a través de exposicións e outras actividades que se celebraron no centro como clases maxistrais. Estas exposicións sempre teñen como eixe temático Santiago e as peregrinacións. Para esta nova edición renovouse esa colaboración acollendo a exposición “Camiñamos para parar. Miguelanxo Prado e Rita Sabler no Camiño de Inverno”, comisariada por Gemma Sesar.

O Museo de Belas Artes da Coruña anunciou a ampliación do período expositivo da mostra “After the whale. Un diálogo co museo. Manuel Vilariño”, na que se establece un diálogo entre as imaxes do artista e as obras de arte da colección do museo.

A mostra divulgará a “galeguidade e vinculación coruñesa” do artista.

Baixo o título de "EPI e ferramentas da man das bombeiras e bombeiros forestais", o Museo Etnolóxico de Ribadavia, que forma parte da rede museística da Xunta de Galicia, acolle ata finais de xaneiro unha mostra sobre utensilios e aparatos empregados na loita contra os incendios.

O director xeral de Cultura, Anxo M. Lorenzo, que participou o 21 de outubro na inauguración, destacou que este proxecto expositivo contribúe “a entender, reforzar e enaltecer, aínda máis, o enorme labor que desenvolven os bombeiros forestais” na loita contra a lacra dos incendios.

O pasado martes 4 de outubro tivo lugar a Xornada "Museos sociais", organizada pola Dirección Xeral de Cultura da Consellería de Cultura, Educación, FP e Universidades da Xunta de Galicia e coordinada polo Servizo de Museos.

O encontro, que se levou a cabo no Museo das Peregrinacións e de Santiago, na súa sede da praza das Praterías, foi convocado como unha xuntanza para pór en común as experiencias e dar visibilidade ao traballo dos museos a prol da inclusión social, accesibilidade e igualdade.

O pasado xoves presentouse ao público o libro-cd que resume de forma maxistral os contidos da exposición "Chacona, a canción de Santiago".

O grupo Resonet, baixo a dirección de Fernando Reyes, presenta unha coidadosa selección de obras que forman o repertorio musical do cd. O libro que as acompaña, traducido a cinco idiomas, fai un percorrido pola historia da chacona, coa súa orixe en Compostela e difusión polo Camiño de Santiago, que funciona como vehículo e recurso de comunicación sen igual chegando aos lugares e espazos máis variados da sociedade.

No seu compromiso por traballar por unha cultura sen barreiras e cada vez máis accesible, a Xunta de Galicia programa para o vindeiro martes Museos sociais, unha xornada para formar os/as profesionais da cultura no deseño de políticas inclusivas no eido específico dos museos galegos.

O secretario xeral de Política Lingüística, Valentín García, e o director xeral de Cultura, Anxo M. Lorenzo, participaron no Museo do Pobo Galego na inauguración da exposición conmemorativa das Letras Galegas 2022 "Bebedeira de ensoños", adicada a Florencio Delgado Gurriarán e producida pola Xunta xunto á Editorial Galaxia.

A exposición que está a organizar a Xunta "Picasso, blanco no recordo azul. A Coruña 2023" será a única proposta galega das 16 que se programarán en España no marco do Ano Picasso 2023. O director xeral de Cultura, Anxo M. Lorenzo, asistiu en Madrid aos actos institucionais da presentación de actividades conmemorativas deste aniversario que terá lugar o vindeiro ano en distintas partes de Europa e América do Norte.

O director xeral de Cultura, Anxo M. Lorenzo, inaugurou a exposición "A conservación do Arquivo Abrente" no Museo Etnolóxico de Ribadavia, que amosa e fai chegar ao público as tarefas de conservación realizadas polo museo sobre o valioso fondo documental da agrupación cultural Abrente.