No Museo das Peregrinacións e de Santiago veñen de crear unha lista pública na Libraría Institucional da Xunta de Galicia para que sexa máis doado localizar as publicacións deste centro. As publicacións tamén se poden mercar de maneira presencial no museo, situado na Praza das Praterías de Santiago de Compostela.
O director xeral de Cultura, Anxo M. Lorenzo, acompañado polo director do Centro Galego de Arte Contemporánea (CGAC), Santiago Olmo, presentou o venres 15 a programación anual de exposicións e actividades do centro para o ano 2024. "Estamos ante un programa moi completo e moi variado, co que se quere achegar á arte a todos os públicos", salientou o representante da Consellería de Cultura.
O exercicio da hospitalidade, a acollida ao peregrino, é un valor considerado dende hai séculos coma a pedra angular do Camiño de Santiago. Unha forma de espiritualidade poeticamente recollida nas fotografías que Manuel G. Vicente tomou ao longo do Camiño durante as últimas décadas, na ruta e nos seus albergues. Esta entrañable acollida fúndese coa vivencia do encontro, a solidariedade, a amizade e mais a comprensión mutua. A todo iso hai que engadir os valores paisaxísticos, a historia compartida e a cultura.
Desde o ano 2017, en Compostela Ilustrada realizamos un camiño en ilustracións cun total de quince artistas de distintas disciplinas do debuxo. O resultado global foron máis de 150 obras de seis camiños diferentes.
Exposición virtual dos carteis deseñados polo alumnado do IES Illa de Ons de Bueu con motivo do 25 de novembro, día contra a violencia machista.
Esta mostra forma parte dun proxecto educativo en colaboración do Museo Massó e o IES Illa de Ons de Bueu. Trátase de que o alumnado tome conciencia de situacións machistas que viven a diario, saiban identificalas e traten de evitar patróns de comportamento que derivan en violencias contra as mulleres.
O conselleiro de Cultura, Educación, FP e Universidades, Román Rodríguez, e o conselleiro de Facenda e Administración Pública, Miguel Corgos, inauguraron onte na Coruña xunto co director do Museo Sorolla, Enrique Varela, a exposición "Viaxar para pintar. Sorolla en Galicia", o novo proxecto expositivo do Museo de Belas Artes co que a Xunta de Galicia se suma á conmemoración do centenario do falecemento do pintor que se celebra este ano con exposicións, publicacións e outras actividades.
O Museo de Belas Artes da Coruña, en colaboración coa Fundación Museo Sorolla, presenta a participación galega no proxecto expositivo "Sorolla. Viajar para pintar", no marco do programa "100 años del fallecimiento de Joaquín Sorolla", un dos grandes eventos culturais do ano que conmemora o centenario do falecemento de Joaquín Sorolla y Bastida (Valencia, 1863 - Cercedilla, Madrid, 1923).
A exposición recolle diferentes obras de fotomontaxe do fotógrafo ourensán Augusto Pacheco, e trata de amosar como o recurso da fotomontaxe dentro do campo da fotografía representa un elemento creador en si mesmo e de reflexión.
Comisariada por Vítor Vaqueiro, Ánxel Huete e Manuel Pérez Rúa, expón fondos do Museo Etnolóxico pertencentes ao Fondo Pacheco.
O Museo Etnolóxico de Ribadavia mantén contactos periódicos virtuais co Museo Nacional de Arte Decorativa de Ucraína (Національний музей українського народного декоративного мистецтва).
O conselleiro de Cultura, Educación, FP e Universidades, Román Rodríguez, recolleu o XI Premio Internacional Apecsa 2023 de divulgación do Camiño, concedido pola Asociación de Periodistas e Estudosos do Camiño de Santiago ao Museo das Peregrinacións e de Santiago.