O escritor, artista e líder galeguista falecera na Arxentina en xaneiro de 1950. Desde esa data, o seu corpo descansaba no cemiterio de Chacarita de Buenos Aires, albergado no Panteón Social do Centro Gallego. Restauradas as liberdades democráticas en 1978, a demanda do seu retorno a Galicia pasou a ser unha reivindicación que anos despois sería asumida polo Parlamento galego tras as primeiras eleccións autonómicas. Un acto parlamentario que foi aprobado por unanimidade das forzas políticas representadas, despois dunha proposta impulsada polo deputado nacionalista Camilo Nogueira.

Esta exposición é a materialización dunha das grandes responsabilidades dunha institución museística, xa que é froito dun traballo de investigación levado a cabo dende o Museo do Castro de Viladonga. O groso dos traballos arrancan no 2021, e dende os primeiros estudos bibliográficos e de catalogación quíxose poñer en valor a pequena, pero importante, colección de acibeches recuperados durante os máis de cincuenta anos de escavacións no Castro.

O Museo de Belas Artes da Coruña vén de ampliar a exposición Viaxar para pintar. Sorolla en Galicia debido a súa boa acollida desde a súa inauguración, o pasado 23 de novembro. Unha oportunidade máis para achegar a figura do artista ata despois da Semana Santa, pois a mostra estará dispoñible ata o 7 de abril.

A Xunta de Galicia vén de adquirir seis terreos da contorna do Castro de Viladonga, o que permitirá ampliar usos sociais e culturais deste espazo e os traballos de escavación e investigación. Así o informou o director xeral de Cultura, Anxo M. Lorenzo, durante a súa participación na apertura da mostra "O acibeche no mundo antigo. Unha aproximación dende o Castro de Viladonga".

O director xeral de Cultura, Anxo M. Lorenzo, participou onte no Museo de Belas Artes da Coruña na presentación de “Torre de la Parada. Un espazo pictórico para Rubens”, unha mostra de carácter virtual e inmersivo que ofrece un percorrido dixital por unha das mellores coleccións de pinturas do século XVII, que estivo situada no pavillón de caza do rei Felipe IV, nos arredores de Madrid.

O Museo de Belas Artes da Coruña presenta un innovador proxecto expositivo no que o uso da tecnoloxía dixital se transforma nun instrumento efectivo para alcanzar públicos máis amplos, creando novas vías para o seu acceso, coñecemento e deleite a través dos contidos.

Alfonso Soto Fon comeza a pintar dende neno, animado por unha das súas mestras, de xeito autodidacta, xa que entón o estudo das artes non estaba incluído no programa educativo. Fórmase como axustador de matrices en Burgos, xa que a súa familia materna era burgalesa, e dende alí viaxa a Madrid con frecuencia, onde presencia folgas e manifestacións obreiras, estudantís e feministas que lle impactarán na súa primeira etapa artística.

O director xeral de Cultura, Anxo M. Lorenzo, presentou hoxe as novas adquisicións do Museo Massó de Bueu: dúas obras do artista Urbano Lugrís. A Xunta de Galicia vén de adquirir os debuxos A arca de Noé e Veleiro, “dúas pezas en moi bo estado de conservación que se sumarán a outras pezas de Lugrís xa existente no museo”, salientou Anxo M. Lorenzo.

O director xeral de Cultura, Anxo M. Lorenzo, participou hoxe na inauguración da mostra Alfonso Soto Fon no Museo Etnolóxico de Ribadavia, unha recompilación da obra deste artista autodidacta e multidisciplinar nacido en Ribadavia na década dos 50.

O conselleiro de Cultura, Educación, FP e Universidades, Román Rodríguez, presidiu o pasado 13 de decembro a constitución do Consello de Centros Museísticos de Galicia.

A posta en marcha deste Consello vén dar cumprimento ao previsto na Lei do 17 de febreiro, de museos e outros centros museísticos de Galicia, onde se creou este órgano colexiado, asesor do Sistema galego de centros museísticos, e que foi regulado a través do Decreto 202/2022, do 10 de novembro.