Unha das partes máis importantes do museo é tamén unha das máis descoñecidas: os almacéns. Neles consérvase a colección do Museo Etnolóxico, unha colección en continuo crecemento e cunha grande variedade de pezas. A natureza propia do museo non permite expor nas salas todo o patrimonio que pasa a formar parte da colección, ben por espazo, tempo ou discurso expositivo. É por iso que naceu “BEN(S)VIDOS”, un proxecto expositivo no que se lle da lugar a pezas que pasan a formar parte da colección e que esperaban ser expostas nas salas do museo.

A exposición fotográfica "Mareas de Vida" é unha iniciativa para poñer en valor o papel das mulleres do mar. É un evento organizado por FUNPROMAR (iniciativa impulsada por ANFACO-CECOPESCA), co apoio do Plan Social de ENCE e en colaboración coa marca SEREAS e FUNDAMAR.

Na procura dunha maior visibilidade a un oficio a piques de desaparecer, e que formou parte da vida cotiá de toda Galicia, o Museo do Castro de Viladonga ven de organizar o “III Encontro Internacional de Cestería no Camiño”, tras a grande aceptación dos encontros anteriores, e consolidando xa unha liña de encontro no Conxunto Etnográfico das Pallozas do Cebreiro con cesteiros e cesteiras de diferentes procedencias, creando un espazo no que comparten e difunden coñecementos ao mesmo tempo que mostrar os seus traballos ao numeroso público que visita este conxunto, ent

Esta fin de semana o Museo das Peregrinacións e de Santiago acolleu as Xornadas Europeas de Arqueoloxía (XEA) que se celebran anualmente en España durante a terceira fin de semana de xuño.

MOSTRA VIRTUAL: Ruta arqueolóxica polo Museo das Peregrinacións e de Santiago

O Museo das Peregrinacions e de Santiago acolleu este ano as Xornadas Europeas de Arqueoloxía 2024. Con tal motivo o museo preparou unha nova mostra virtual: «Desenterrando vitrinas. Ruta arqueolóxica polo Museo das Peregrinacións e de Santiago».

O director xeral de Cultura, Anxo M. Lorenzo, inaugurou o pasado xoves, 30 de maio, no Museo de Belas Artes da Coruña a exposición Doazóns 2015-2023, na que se amosan 100 obras de artistas galegos do século XX — excepto dúas do século XVII— provenientes de 16 particulares que doaron nestes últimos oito anos pezas de importantes creadores, como  Sotomayor, Laxeiro, Elena Gago, María del Carmen Corredoira ou Xaime Quesada, entre outros.

O Museo de Belas Artes da Coruña da a coñecer, nesta mostra, as importantes doazóns de iniciativa particular que tiveron lugar nos últimos 8 anos e trata de resaltar a xenerosidade dos 16 doantes que aportan á colección do Museo un total de 100 obras de artistas galegos do século XX (ademais de dúas obras do século XVII), entre pinturas, debuxos, gravados, escultura e artes decorativas.

A Xunta de Galicia programa este ano máis de medio cento de actividades nos espazos museísticos que xestiona para conmemorar o Día Internacional dos Museos, que se celebra o sábado 18. O Consello Internacional de Museos propón para celebralo o lema Museos pola educación e a investigación ao que a programación da Consellería de Cultura, Lingua e Xuventude se suma con visitas guiadas, obradoiros, xornadas de portas abertas, actividades didácticas, teatro e música, entre outras propostas dirixidas a todos os públicos. 

O conselleiro de Cultura, Lingua e Xuventude, José López Campos, visitou hoxe o Museo Massó para gozar dunha viaxe virtual polos fondos desta institución no marco da celebración do Día dos Museos. Neste senso, o responsable autonómico de Cultura coñeceu de primeira man a iniciativa Galiverso que forma parte das máis do medio cento de actividades que organiza a Xunta de Galicia con motivo desta efeméride.