O martes 7 de marzo ás 18:30 horas o Museo Anfaco de Vigo organiza un acto de conmemoración do 8M no centro da UNED de Pontevedra.
Tamén se poderá seguir o evento en liña. As inscricións faranse a través da seguinte ligazón:
https://forms.gle/LTb9VL9KBpzBmxF6A
ACTO DE CELEBRACIÓN polo 8M, Día Internacional da Muller
SEREAS. As Mulleres do Mar
Martes, 7 de marzo. SEDE UNED PONTEVEDRA / ONLINE
Con motivo da celebración do Día das Mulleres o 8 de marzo, o Museo Massó acolle a exposición da alfombra floral realizada pola Asociación Cunchas e Flores de Bueu.
O coro feminino María Soliña nace en xuño do ano 2018 en Cangas do Morrazo pola iniciativa dun grupo de amigas.
O coro debuta no festival de corais Así Canta Cangas baixo a dirección de Elba Rodal cun éxito rotundo.
Dende entón participaron en diferentes certames e festivais coma o Certame de Corais de Cancións Mariñeiras do Hío.
Tras o inevitable parón por mor da pandemia regresan baixo a dirección de Gena Balado e interveñen en varias actuacións musicais en Cangas e en Bueu.
REPERTORIO:
- María se bebe las calles
A Xunta de Galicia celebrará o 30 aniversario do CGAC cun amplo programa composto por medio centenar de actividades. Así o anunciou o conselleiro de Cultura, Educación, FP e Universidades, Román Rodríguez, quen destacou que se trata dunha proposta que servirá para dar proba da importancia deste museo no sector cultural.
O conselleiro de Cultura, Educación, FP e Universidades, Román Rodríguez, inaugurou a exposición "Picasso vivo. O legado picassiano de Camilo José Cela", a nova mostra coa que a Xunta repasa a historia de amizade que viviron Cela e Picasso a través dunha colección de máis de 40 pezas entre documentos, textos, obras de arte e distintos utensilios que se agasallaron entre eles.
Como cada mes, o Museo escolle algunha peza de entre os seus fondos para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.
A presentación terá lugar o mércores 8 de marzo ás 20.00 h na sala da exposición “Escolma de Escultura” en San Francisco (Ourense). A explicación correrá a cargo de María del Pilar Núñez Sánchez, técnica do Museo Arqueolóxico Provincial de Ourense.
UN LAB_REC E UN CASTING DOS DOBRES.TALLER DE ARTISTA IMPARTIDO POR OLGA MESA E FRANCISCO RUIZ DE INFANTE
18 marzo 2023 - 20 marzo 2023
de 10:00 A 14:00 h
Coordinación: Carmen Hermo (CGAC)
Dirección: Olga Mesa e Francisco Ruiz de Infante
Prazas: 20
Matrícula: Gratuíta
En LAB_REC o corpo é un soporte narrativo, un corpo, ollo e oído que se articula ao redor de nocións de presenzas e ausencias, do real e do virtual.
O director xeral de Cultura, Anxo M. Lorenzo, participou na presentación da programación do Museo de Artes do Gravado á Estampa Dixital co gallo do 50 aniversario do pasamento de Picasso. Serán tres mostras que contan co apoio da Xunta de Galicia e que se desenvolverán neste espazo ata o mes de outubro.
O obxectivo é, en palabras do representante da Xunta, “poñer en valor a obra do pintor que custodia este museo e renderlle homenaxe nesta efeméride tanto a través dos seus propios linogravados como da obra de artistas como Manuel Ayaso ou Alfonso Costa”.
O delegado da Xunta na Coruña, Gonzalo Trenor, participou na inauguración da exposición "Os nosos ollos" realizada polos alumnos e as alumnas do IES Ramón Menéndez Pidal en colaboración co Museo de Belas Artes. Os/as escolares expoñen réplicas das obras do museo seleccionadas por eles/as, coa interpretación das mesmas, actuando como comisarios/as da mostra.
O conselleiro de Cultura, Educación, FP e Universidades, Román Rodríguez, presentou aos medios galegos no Museo de Belas Artes da Coruña "Picasso. Branco no recordo azul", a grande exposición coa que a Xunta reivindica a pegada galega na traxectoria do artista a través dunha escolma de 120 pezas, moitas delas representativas do seu período de formación na Coruña e da súa etapa de madurez e consagración.