Esta semana, na Casa da Cultura de Ourense, e en colaboración co Cineclube Padre Feijoo o MAPOU presenta a Semana de Cine Arqueolóxico, coas seguintes proxeccións:

- 2 de decembro: Homo Sapiens, as novas orixes (Julien Olivier, Francia, 2020)

Presentada por Mikel Díaz Rodríguez (profesor de Prehistoria Uvigo)

-3 de decembro: A cidade esquecida da dinastía Ming (Stéphane Bégoin, China-Francia, 2024)

Presentada por Óscar Penín Romero (Xestor cultural e comisario de exposicións)

O Museo das Peregrinacións e de Santiago, na súa vocación de documentar, difundir e promocionar as diferentes producións artísticas vinculadas ás peregrinacións e ao Camiño de Santiago vén de publicar o catálogo da exposición temporal «Kumbh Mela. O camiño da inmortalidade. Fotografías de Manuel Valcárcel». 

Castelao e a perspectiva de xénero

Encontro con Marta Dacosta e Isabel Risco, que abordarán a obra de Castelao desde unha lectura actual centrada na perspectiva de xénero.

Escoitar e conversar. Memoria oral do barrio da Madalena

Xornada de escoita e intercambio coa veciñanza para recoller lembranzas, cancións, vivencias e historias vinculadas ao barrio da Madalena, coincidindo coa celebración do Día da Música.

O conselleiro de Cultura, Lingua e Xuventude, José López Campos, presentou este mércores 27 de novembro, acompañado polo director xeral de Cultura, Anxo M. Lorenzo, o catálogo que recolle o contido da mostra A barca de Caronte. A travesía vital de Isaac Díaz Pardo, aberta no Museo de Belas Artes da Coruña desde o pasado 19 de xuño, coa que a Xunta se sumou á homenaxe ao ilustre persoeiro neste ano no que se lle dedicou o Día das Artes Galegas.

O xoves 4 de decembro ás 20:00 horas terá lugar no Museo Municipal Ramón María Aller (Rúa Ramón María Aller, 9. Lalín) a presentación da exposición “Os traballos de Hércules. Colección de gravados dos fondos académicos”. A mostra está comisariada por José Ramón Soraluce Blond e organizada pola Real Academia Galega de Belas Artes co patrocinio da Xunta de Galicia e a colaboración do Concello de Lalín. Esta mostra é un dos actos programados co gallo do 175 aniversario da fundación da academia.

Nesta exposición dunha peza singular amósasee o exemplar desta serie de gravados de Goya que forma parte da colección do Museo Massó. A partir da selección de estampas nas que o artista nos deixa un cru testemuño gráfico das violacións que sufrían as mulleres por parte dos soldados, queremos denunciar a actualidade destas imaxes acompañándoas con titulares de prensa de horrores semellantes nas guerras recentes.

O Museo Massó de Bueu organiza esta exposición temporal co motivo da celebración do Día internacional da Eliminación da Violencia contra as Mulleres.

Nesta exposición de Unha peza singular móstrase o exemplar desta serie de gravados de Goya que forma parte da colección do museo. A partir da selección de estampas nas que o artista nos deixa un cru testemuño gráfico das violacións que sufrían as mulleres por parte dos soldados, queremos denunciar a actualidade destas imaxes acompañándoas con titulares de prensa de horrores semellantes nas guerras recentes.

A Xunta de Galicia homenaxea a Camilo José Cela cunha exposición que fai un repaso aos doutoramentos honoris causa que lle foron outorgados ao escritor e que xa se pode ver na sede da súa fundación en Padrón. 

O xoves 4 de decembro ás 20:00 horas o Museo Municipal Ramón María Aller inaugura a exposición “Os traballos de Hércules”.

Trátase dunha colección de gravados dos fondos académicos, mostra comisariada por José Ramón Soraluce Blond e organizada pola da Real Academia Galega de Belas Artes co patrocinio da Xunta de Galicia e a colaboración do Concello de Lalín.