Ir o contido principal

O museo

O museo

A sede do Museo é o edificio do antigo Pazo Episcopal, situado en pleno centro histórico da cidade e declarado monumento histórico artístico en 1931. Trátase dun conxunto edificado, cunha parte central románica e engadidos posteriores.

Na actualidade o conxunto está en remodelación. Os servizos do museo trasladáronse ao edificio Santa María de Europa, na Carballeira, no que se almacenan a maioría das coleccións, agás unha selección da escultura máis representativa, que se mostra permanentemente baixo o titulo “Escolma de Escultura” na sala de exposicións San Francisco, que serve tamén de base para outras actividades puntuais.

O museo conserva unha importante cantidade de fondos dunha gran variedade tipolóxica. As coleccións conteñen unha ampla sección histórico-arqueolóxica, con series representativas do mundo  paleolítico e megalítico; pezas do  mundo castrexo e galaicorromano e as de época romana, destacando a epigrafía. O museo custodia tamén unha serie arqueolóxica prerrománica e medieval, principalmente construtiva, ademais dunha sección de belas artes, que reúne escultura do renacemento e barroco, pintura do século XVII e XVIII, pintura de finais do século XIX, basicamente a obra do pintor ourensán Ramón Parada Justel, e artes decorativas.

O Museo Arqueolóxico Provincial de Ourense é de titularidade estatal e xestionado pola Xunta de Galicia.

http://www.musarqourense.xunta.es

<strong>Edificio Principal</strong> <br>Escaleiras de Santa María Nai, 1 (Praza Maior). <br>32005 Ourense <br>(Provisionalmente pechado ao público por obras de reforma) <br><strong>Sede temporal:</strong> <br>Biblioteca e área técnica <br>Edificio Santa María de Europa Rúa Xílgaros s/n. <br>A Carballeira 32002 Ourense <br><strong>Sede temporal:</strong> <br>Sala de exposición Exposición “Escolma de escultura” <br>Rúa da Granxa. Campo de San Francisco
32005, Ourense

Tlf. +34 988 788 439 / + 34 988 788 417
Fax +34 988 788 450

mapour@xunta.gal

Horario

Sala San Francisco. Escolma de Escultura
De martes a sábados, de 9:00 a 21:00 h
Domingos, de 9:00 a 15:00 h
Pechado os luns e os festivos oficiais
Edificio Santa Mª de Europa. Biblioteca e área técnica
De luns a venres, de 9:00 a 14:00 h
Solicitude previa por teléfono ou correo electrónico

Tarifas

Entrada gratuíta