Dende o tempo dos Celtas, coa chegada do outono, os nosos antepasados apuraban o remate da tempada de colleitas e as familias preparábanse para as longas e frías noites do inverno. Pero se en Galicia hai unha tradición é que nunca se remata un choio sen celebralo por todo o alto. Nese momento as despensas estaban ateigadas de cereal, mel, viño, carne curada da matanza... e por suposto castañas... Xa temos os ingredientes necesarios para un bo magosto!

As fundacións FUNDAMAR e FUNPROMAR organizan as X Xornadas divulgativas sobre o papel da muller no sector pesqueiro e conserveiro no marco do programa SEREAS “as mulleres do mar”, ao servizo da divulgación e visibilización da muller no sector mar-industria. O obxectivo da xornada, será homenaxear, como todos os anos, ás novas protagonistas que formarán parte do repositorio SEREAS, grazas a colaboración da Concellería de Igualdade do Concello de Vigo. As xornadas terán lugar o xoves 24 de outubro ás 12:00h, no Museo Verbum de Vigo.

No marco do Plan Corresponsables, o museo organiza estas actividades en familia, nas que este ano vanse buscar os misterios que se agochan nun museo, un lugar cheo de historias, curiosidades e misterios incribles. Cada un dos enigmas que se expoñen neste taller trasladarán a un momento transcendente da historia da arte, a un movemento artístico revolucionario ou a un artista destacado.

Elaborado por Alma Blanco Arkhé Espacio Educativo.

Datas: Sábados do 19 de outubro ao 30 de novembro de 2024.

Novo curso do ciclo "Os temas da arte": Deuses e heroes da mitoloxía clásica, unha temática na que con afán divulgativo, pero rigoroso, se estudará que son os mitos e a forma particularmente rica que lle deron os gregos, única entre as mitoloxías dos pobos indoeuropeos.

A súa explicación transportaranos nunha viaxe polas palabras, as Belas Artes e a Literatura do mundo occidental, con atención a Galicia e especialmente á Coruña, cos seus museos e paisaxe urbana.

Este curso propón unha exploración de diversas paisaxes fílmicas a través do desprazamento dos corpos e da viaxe, tanto física coma simbólica (se é que se pode establecer esa distinción). Desde o apoxeo do clasicismo nos anos trinta do século pasado ata os nosos días, ao longo de case cen anos de historia do cine e a través de películas de diversos xéneros e países, buscaremos o horizonte por camiños e estradas, como tantos nómades fixeron antes.

O CENTRAD de Lugo organiza as cuartas xornadas sobre a Zanfona na Galiza: orixe, sons, textos e contextos, instrumento en movemento.

Dentro das funcións principais do museo está a organización periódica de actividades científicas e divulgativas para a promoción e difusión entre todo tipo de públicos. En relación coa educación, o Museo leva a cabo un completo programa educativo destinado especialmente aos menores e que á súa relación co Museo e o medio que o rodea xurda de xeito natural. Nesta ocasión, trátase de achegar aos rapaces e rapazas ao mundo do mar ao través do oficio tradicional de redeira cun obradoiro práctico para coñecer as técnicas de confección das redes de pesca e os distintos tipos de artes.

Observación nocturna do ceo con telescopio. Poderemos observar as Perseidas, a lúa, satélites e os planetas se a meteoroloxía o permite.

A observación terá lugar en Cabo Udra (zona do aparcadoiro).

En colaboración con Astrovigo.

Inscrición previa no teléfono 886 151 101 ou en museo.massó@xunta.gal

No Museo planificouse unha visita-obradoiro en inglés para grupos de nenas e nenos dende seis anos de idade.

Con esta actividade búscase achegar de forma atractiva e interactiva os contidos principais do relato museístico da exposición permanente: a conquista do mar e a explotación dos recursos do mar, a través da industria conserveira e baleeira, e aprendendo o vocabulario específico escrito e oral en inglés con xogos e preguntas.

O obradoiro terá aproximadamente hora e media de duración.

Obradoiro de verán para participantes a partir de 6 anos de idade.

Esta actividade xira ao redor da figura do pintor Urbano Lugrís e a súa vinculación co Museo e a familia Massó.

Proponse un xogo no que se trata de buscar en reproducións de cadros do pintor as pezas da colección do museo nas que se inspirou o artista para formar a súa particular iconografía.