Organizado polo Museo do Castro de Viladonga, o Encontro lévase a cabo no Conxunto Etnográfico das Pallozas do Cebreiro, e garante a riqueza de experiencias a compartir, pois contará coa participación de artesáns da cestería de moi diferentes procedencias, tanto internacionais, con Joe Hogan (Irlanda), Berit Ida (Alemaña) e Aida Bairos (Portugal), como nacionais, con Cande Alonso (Tenerife), Lola Altolaguirre (Pais Vasco), Carlos Fontales (Segovia) e por suposto, de varias localizacións galegas: Maruja Torres (Mazaricos), Mª Jesús Labrador (Lobeira), Lola Tourón (Carqueixeda)

Como cada mes, o Museo escolle algunha peza de entre os seus fondos (neste caso, arqueolóxicos) para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.

Vinculado á actual exposición temporal “Santiago: peregrinación, cidade, escola”, este mes chega ao Museo Pedagóxico de Galicia un obradoiro no que os máis pequenos converteranse en auténticos construtores. A través do sistema Lupo interpretarán planos, traballarán en equipo e levantarán estruturas medievais coas que xogar e reflexionar sobre a arquitectura que se espallou en torno ao Camiño de Santiago.

O xoves 2 de xuño preséntase no auditorio do Museo das Peregrinacións e de Santiago o libro “O eco das estrelas. Música medieval no Camiño de Santiago”.

Participan José M. Salgado, Francisco Singul, Mariña Arbor Aldea, Francisco Luengo e Pablo Quintana.

O libro, con textos dos anteriormente mencionados, é unha obra de referencia para a época medieval en xeral, e para a arte  románica e o Camiño de Santiago en particular.

A actividade terá os seguintes contidos:

- Roteiro para identificación de prantas medicinais no castro de Viladonga

- Técnicas de recoleción, secado e conservación de prantas con propiedades mediciñais.

- Como extraer as propiedades das prantas a través de aceites e alcoholes.

- Elaboración de ungüentos, pomadas e tratamentos

- Preparación de mostras que se repartirán entre os asitentes sobre bases de aceites de prantas, cera de abella e arxila.

Inscricións no teléfono: 982 870 160

Participantes 15 persoas

A Casa-Museo Emilia Pardo Bazán (rúa Tabernas, 11 – A Coruña) acolle mañá xoves, 26 de maio, ás 18:00 horas, a presentación de Anfitrionas: crónicas y cronistas de salones 1890-1930. A autora, Marisol Donís, estará acompañada pola conservadora da Casa-Museo Emilia Pardo Bazán, Xulia Santiso.

Neste ano, a celebración anual do Día Internacional dos Museos ten por lema “O poder dos museos”. O Museo das Peregrinacións e de Santiago súmase á celebración ao través de varias propostas, entre elas, as Visitas Contadas.

Actividade que mestura un percorrido guiado polo museo coa tradición dos contacontos. O público terá a ocasión de coñecer as pezas expostas e gozar con lendas, anécdotas e curiosidades relativas ao Camiño de Santiago e á propia historia da cidade.

Este ano, a celebración anual do Día Internacional dos Museos ten por lema “O poder dos museos” e quere facer fincapé no poder transformador que os museos teñen na sociedade como lugares que poden abrir as nosas mentes a novas ideas e a futuros posibles.

Neste ano, a celebración anual do Día Internacional dos Museos ten por lema “O poder dos museos”. O Museo de Belas Artes da Coruña súmase á celebración ao través de varias propostas, entre elas, o Proxecto Pesquedellas. Trátase dun grupo de rapazas que teñen en común o interese pola investigación no folclore. Desde a súa creación adicanse a difundir a música galega de tradición oral, co obxectivo de facela chegar á xuventude.

Como parte da celebración do Día Internacional dos Museos o 18 de maio, o Museo das Peregrinacións e de Santiago organiza esta conferencia impartida por Francisco Luengo, no que levará acabo unha análise da música como elemento destacado nos ámbitos da peregrinación e da relixiosidade e o proceso de investigación, feito en relación ás réplicas dos instrumentos musicais medievais expostos no Museo.

Actividade dispoñible até completar capacidade do Auditorio.