Tempo de Entroido
Obradoiro para público infantil
Venres 21 de febreiro
17:00 a 18:00
Público de 5 a 11 anos
Actividade de balde
Imprescindible reserva previa: https://mupega.edu.xunta.gal/inscricion-actividades-e-obradoiros
O Museo de Belas Artes organiza un ciclo de conferencias no marco da exposición "Arquitecturas que falan do seu tempo".
Salón de actos do Museo 19.00 h Entrada libre
"Modernidade na Academia: das primeiras arquitectas racionalistas ata hoxe"
Luz Paz Agras | Doutora arquitecta e profesora na ETSA-UDC
"Mestres na arte de construír: a fortuna dun legado"
Jesús Ángel Sánchez García | Doutor e Catedrático en Historia da Arte pola USC
O Museo Etnográfico Liste de Vigo presenta a súa nova programación de actividades para o primeiro trimestre de 2025, de xaneiro a marzo. O programa inclúe información sobre:
Exposicións:
Lugar: Sala de Exposicións Temporais.
Datas: ata o 31 de decembro.
Lugar: Sala de A madeira es-cavada.
Datas: do 18 de febreiro ao 8 de marzo.
O programa comeza coa noción da posmemoria e a súa capacidade para, desde a produción cultural, imbricar as historias traumáticas familiares coa historia de todo un país. Pensamos que é este un concepto útil para o noso contexto, onde as memorias arredor do golpe militar de 1936 adoitan permanecer vívidas a través das xeracións, en tanto que a memoria oficial teima en soterralas, como se o noso presente non estivese atravesado por un doloroso pasado.
A presentación pública terá lugar o 8 de xaneiro ás 20:00 h, na sala de exposicións "Escolma de escultura", con entrada libre.
Como cada mes, o Museo escolle algunha peza de entre os seus fondos (neste caso, dos arqueolóxicos) para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.
A peza protagonista deste mes: Equipamento pesqueiro fluvial antigo.
Co título xenérico de "a cultura da saúde no entorno rural", preséntase, por unha banda, o libro "A saga das curandeiras", de Marisa Castro Cerceda, e por outra banda, o libro "A inmoral doutora Cons", de Roberto Fernández Álvarez.
Festexando o Día Internacional da Música, a cantora galega Rosa Leiro e o pianista arxentino-galego Juan Carlos Cambas presentan no Museo Etnolóxico o seu último disco: “Camiño aberto: Canto libre de Galicia & Latinoamérica”, un espectáculo íntimo baseado na voz e o piano, cun repertorio que inclúe grandes autores e compositores galegos e latinoamericanos, e obras inéditas que ven a luz por primeira vez neste proxecto, con temáticas profundas e reflexivas que transportan a diferentes lugares e momentos.
A entrada é de balde ata completar capacidade.
No ano 1924, Benito Saburido, no lugar de Vilariño atopou de forma casual a coñecida como arracada de Vilar de Santos. Foi dada a coñecer en 1939 por Florentino López Cuevillas e dende 1978 forma parte da colección do Museo Arqueolóxico Provincial de Ourense.
O vindeiro 16 de decembro ás 12 da mañá o Museo Etnolóxico de Ribadavia conectará co Museo Nacional de Artes Decorativas de Kiev para seguir cos intercambios culturais. Nesta ocasión o tema de conversa xirará en torno as celebracións do Ciclo de Inverno.
O museo de Pontevedra presenta esta semana a programación de inverno, para os meses de decembro, xaneiro e febreiro. Haberá obradoiros para público infantil e familiar e para persoas adultas, espectáculos, concertos, proxeccións, conferencias... Nas datas de nadal o museo ofrece actividades pensadas para toda a familia, e o 7 de xaneiro arrancan os actos do Ano Castelao, coincidindo co 75 cabodano do intelectual galeguista.