OBRADOIROS DIDÁCTICOS PARA NENOS/AS
“Natureza, historia e benestar: os nosos parques”
10:00h
Parque de San Lázaro
Realizados por Xeitura: xestión integral do Patrimonio
Inscrición e máis información: 988 788 439 / mapour@xunta.es
VISITA AO MUSEO ARQUEOLÓXICO PROVINCIAL DE OURENSE
“Sentir a arqueoloxía”
12:00h
Edificio Santa María de Europa
Colaboración coa ONCE. Delegación Territorial Galicia
Colaboración coa Facultade de Ciencias Empresariais e Turismo da UVigo. Campus de Ourense
Inscrición e máis información: 988 788 439 / mapour@xunta.es
O Museo do Viño de Galicia amósanos unha peza conservada no museo pertencente á nosa cultura tradicional. Trátase dun alambique, unha das últimas adquisicións, un alambique procedente do concello de Beade.
O alambique é o aparello utilizado para facer o augardente, unha bebida resultante do bagaño que se xenera na fabricación do viño. A través desta peza podemos coñecer cales son as partes que conforman o alambique, entendendo os procesos implicados na elaboración do augardente.
Para falarnos deste obxecto o persoal do museo elaborou un vídeo que podedes ver aquí:
Acto de presentación do catálogo da exposición Sucasas. Camiño e mitoloxía, que terá lugar o martes, 9 de maio, ás 19:00 horas, no Museo das Peregrinacións e de Santiago (Praza das Praterías) en Santiago de Compostela.
Agradécese confirmación de asistencia en reservas.mdperegrinacions@xunta.gal
Como cada mes, o Museo escolle algunha peza de entre os seus fondos para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.
A presentación terá lugar o mércores 10 de maio ás 20.00 h na sala da exposición “Escolma de Escultura” en San Francisco (Ourense). A explicación correrá a cargo de José Mª Eguileta Franco.
O Outeiro de Cavaladre, lugar situado no val de Salas, acolle unha necrópole formada por catorce monumentos megalíticos.
O Museo de Belas Artes presenta a doazón de arredor de 300 volumes de bibliografía especializada sobre Picasso. A doazón deste fondo bibliográfico para a biblioteca do museo foi realizada por Peter Farer.
Antón Castro pronunciará a conferencia: Picasso, escritor e escrito para ilustrar esta presentación.
Concerto a cargo de Laura LaMontagne & Pico Amperio. O grupo ten un repertorio moi ligado a
autoras galegas que nos axudará a reivindicar a nosa lingua.
Hora: 18.30 Salón Actos Museo do Castro de Viladonga
Entrada libre ata completar aforo
O Museo Etnolóxico estará presente na Romaría Etnográfica Raigame en Vilanova dos Infantes; O museo está a cargo do «Cinema Carlos Velo». Se proxectan cortos sobre Galicia e fotografías sobre o tema do ano, nesta ocasión a canteiría.
O museo contará cun posto no que atopar información sobre o mesmo e as súas actividades.
Dende as 10:00 h ata as 20:00 h
Para todos os públicos.
Para conmemorar o Día Internacional dos Museos, este 18 de maio propoñémos un reto no Castro.
Durante toda a mañá desenvolverase na contorna do castro unha actividade de orientación coa búsqueda de puntos claves e preguntas de observación.
A actividade axudará a comprender mellor a nosa historia e o espazo natural do Castro de Viladonga.
Para participar chamar ao teléfono: 982 870 161
Conexión online co Museo de Artes Decorativas de Kiev, con motivo do Día Internacional dos Museos.
Conexión do Museo Etnolóxico co National Museum of Ukrainian Folk Decorative Art.
Dado que en Ukraína se celebra o Día de Vyshyvanka (Día da camisa bordada), o persoal do museo ucraíno amosará parte da colección téxtil centrándose no bordado, mentres que o persoal do Museo Etnolóxico, céntrase no patrimonio vitivinícola de Galicia.