Materiais de partida, un obradoiro no Museo das Peregrinacións
O Museo das Peregrinacións e de Santiago organizou o pasado sábado un obradoiro titulado Materiais de partida, dentro do programa Museo en familia 2022.
Durante a xornada as familias participantes investigaron e aprenderon sobre os diversos materiais e materias primas que podemos atopar nun museo. Ao longo do paseo polas salas do Museo das Peregrinacións e de Santiago completaron un pequeno caderno coas observacións sobre as diversas materias que ían atopando. Para rematar a actividade, tiveron un achegamento físico a algúns deses materiais e mesmo puideron tocalos, ben como elemento natural, ben como obxectos rematados.
O programa Museo en familia 2022 seguirá a ofrecer obradoiros durante as vindeiras fins de semana.
