Os xeroglíficos, as mensaxes cifradas e outras linguaxes gardaron información que, ás veces, segue a ser un misterio. Partindo da grande curiosidade que espertan, alimentando un devezo por coñecer que non sempre conseguimos resolver, convidamos aos participantes a mergullarse no seu enigmático mundo.

Desenvolvemento:

- Parte teórica: breve introdución audiovisual ao mundo dos códigos, mensaxes cifradas e aspectos relacionados.

- Parte lúdica: xincana arredor do tema.

Datas: do 1 ao 31 de xullo.

Duración: 60 m.

Sons como a martelada do ferreiro, a máquina de coser da costureira, o chifre do afiador, proporciónannos un punto de partida que nos introduce no mundo dos oficios a través de aspectos que poden resultar familiares, establecendo relacións que xeran coñecemento.

Desenvolvemento:

- Parte teórica: introdución con breve percorrido pola Sala dos Oficios.

- Parte práctica: recoñecemento de oficios e dos elementos que os definen protagonizados polos seus

sons.

Croquis, compases, agullas de marear, astrolabios, estrelas, sol, relevo, servían para chegar a calquera sitio,

incluíndo novos mundos.

Introdución aos antigos sistemas de orientación resolvendo probas que evidencien dotes de descubridores e

aventureiros.

A actividade constará de:

- Parte teórica: achega aos medios de orientación ao longo da historia.

- Parte práctica: resolución de distintas probas incluíndo a construción e uso de rudimentarios aparellos

de orientación.

Actividade que xungue aprendizaxe e diversión nunha encadeada serie de misións que farán que os nosos visitantes máis novos coñezan o Museo e as súas pezas.

Só os que teñan madeira de axentes segredos conseguirán completar a xincana que terá como obxectivo recuperar ás alfaias roubadas a unha importante organización que non parará ata telas de

novo no seu poder.

A actividade constará de:

- Introdución ao xogo e aos seus obxectivos a través da lectura de carta onde se dan conta dos feitos.

Como se dun cluedo se tratase, teremos que adiviñar quen matou a Xusto Hermelo. Pero, quen era este

home, cando e onde viviu, por que foi asasinado. As fotografías darannos a clave.

A través do xogo entenderemos a importancia da fotografía, non só como elemento artístico, senón

tamén documental. Mediante a súa manipulación e análise seremos quen de coñecer grandes segredos.

A actividade constará de:

Para nenas e nenos de 6 a 12 anos.

Con esta actividade preténdese dar a coñecer distintos aspectos da vida na ría.

O contido céntrase na vida dos ecosistemas das Rías Baixas a través de especies representativas vinculadas coa colección do museo. Dase a coñecer a flora e fauna presente na ría, así como especies foráneas que non habitan nese ecosistema pero teñen un estreito vínculo con Massó.

Por outra banda, faise fincapé na concienciación do coidado medioambiental a través da reciclaxe.

Para nenas e nenos de 4 a 6 anos.

Mediante o xogo e a música ensínase aos participantes cuestións sobre a area da praia e as plantas que viven nela, porqué sube e baixa a marea e outras sobre a acción humana. A praia como espazo de traballo no pasado e o problema actual do lixo no mar.

Para nenas e nenos de 6 a 12 anos.

Deseño con tangram.

O MassoMakion é unha versión do quebracabezas máis antigo que coñecemos, o Stomakion, que foi ideado no século III antes da nosa Era por Arquímedes de Siracusa.

No MassoMakion proponse un xogo a partir dos deseños das latas da empresa Massó e as formas xeométricas. Pódense construír ata catro deseños diferentes coas pezas do tagram.

Vinculado á actual exposición temporal “Santiago: peregrinación, cidade, escola”, este mes chega ao Museo Pedagóxico de Galicia un obradoiro no que os máis pequenos converteranse en auténticos construtores. A través do sistema Lupo interpretarán planos, traballarán en equipo e levantarán estruturas medievais coas que xogar e reflexionar sobre a arquitectura que se espallou en torno ao Camiño de Santiago.

A actividade terá os seguintes contidos:

- Roteiro para identificación de prantas medicinais no castro de Viladonga

- Técnicas de recoleción, secado e conservación de prantas con propiedades mediciñais.

- Como extraer as propiedades das prantas a través de aceites e alcoholes.

- Elaboración de ungüentos, pomadas e tratamentos

- Preparación de mostras que se repartirán entre os asitentes sobre bases de aceites de prantas, cera de abella e arxila.

Inscricións no teléfono: 982 870 160

Participantes 15 persoas