Ir o contido principal

Casa Museo Emilia Pardo Bazán

Casa Museo Emilia Pardo Bazán

O museo

O museo está situado na antiga residencia na Coruña da familia Pardo Bazán, que tamén é a sede actual da Real Academia Galega. Así o decidiu a derradeira das descendentes da escritora, a súa filla Blanca Quiroga, asinando un texto de doazón que fala de enaltecer e perpetuar a memoria da eximia polígrafa e escritora galega.

Emilia Pardo Bazán (1851, A Coruña - 1921, Madrid) é unha das grandes das letras españolas; entre as súas obras destaca Los Pazos de Ulloa (1886), pero tamén é precursora e colaboradora de numerosas iniciativas a prol da cultura galega, destacando o seu espírito independente e proto-feminista.

En xeral, a visita ao museo supón un recoñecemento a un pazo urbano típico do século XIX. En particular, preséntase aquí a figura de Pardo Bazán a partir de obxectos auténticos que dan información sobre a aristocracia da familia que se rodeou deles, en moitos casos pezas mestras: unha escultura de María Luísa Roldán, dous Madrazos, un Sorolla, a vaixela de Limoges, a cristalería de La Granja, abanos antigos, incluso a reconstrución dun vestido. Desde o salón de recibir ata o gabinete de traballo, todas as estanzas amosan información para a mirada atenta.

O museo pretende que a visita sexa dinámica e propón distintas actividades en función das características das persoas que o visitan co fin de achegar a obra e a figura de Emilia Pardo Bazán.

https://casamuseoemiliapardobazan.gal

Rúa Tabernas, 11
15001 , A Coruña

Tlf. 981 207 308
Fax 981 216 467

casamuseoepb@academia.gal

Horario

De setembro a xuño
De luns a xoves: de 9:00 a 14:45 e de 16:30 a 19:45 h
Venres: de 9:00 a 14:45 h
Xullo e agosto
De luns a venres: de 9:00 a 14:15 h
* A Casa Museo Emilia Pardo Bazán permanecerá pechada en 2021 os seguintes días: 16 de febreiro, 19 de marzo, 1 e 2 de abril, 17 de maio, 24 de xuño, 12 de outubro, 1 de novembro, 6 e 8 de decembro e do 24 de decembro de 2021 ao 6 de xaneiro de 2022. Tampouco abrirá as tardes dos días 15 de febreiro, 11 de outubro e 7 de decembro.


Tarifas

Entrada gratuíta