Do 17 de maio ao 18 de maio do 2025 - 10:30h Programa de actividades Conmemoración do 18 de maio, día dos museos

Un ano máis, queremos presentarvos o programa de actividades para festexar o DÍA INTERNACIONAL DOS MUSEOS .

O 18 de maio, o ICOM organiza este evento mundial que destaca o papel transformador dos museos na sociedade. O lema proposto para este 2025 explorará «O futuro dos museos en comunidades en constante cambio», centrándose en como poderiamos contribuír, desde as nosas institucións, a navegar por un mundo que experimenta profundos cambios sociais, tecnolóxicos e ambientais.

O Museo das Peregrinacións e de Santiago presenta a súa programación para celebrar esta xornada contigo e con toda a nosa comunidade. Dous días de actividades cun claro protagonismo da cultura popular e tradicional galega.