Ir o contido principal

10 de novembro - 19:00h IN VINO VERITAS (ET SANITAS) Ciclo de conferencias

Dado o bo recibimento que vivimos o pasado mes no ciclo IN VINO VERITAS (ET SANITAS), este novembro levaremos a cabo a segunda parte da actividade. Continuando coa temática do ciclo, buscar un espazo para a reflexión e conversa sobre o sector do viño, temos o pracer de contar con Francisco J. Gil Fernández, xornalista e escritor relacionado ca enoloxía e gastronomía; con Santiago Rivas, enodivulgador e catador premiado; con Luis Vicente Elías Pastor, antropólogo experto nas paisaxes dos viños; e con Luís Paadín e Alejandro Paadín, autores da “Guía de Vinos, Bodegas y Destilados de Galicia”.

DATAS:

10 de novembro ás 19:00 h.: “Os viños galegos nos grandes concursos internacionais. Unha década de éxitos crecentes” por Francisco Gil Fernández.

16 de novembro ás 19:00 h.: “Viños galegos, epicentro do consumo iniciado” por Santiago Rivas.

24 de novembro ás 19:00 h.: “A Prensa Mística. Unha representación sagrada do viño”, por Luis Vicente Elías Pastor.

30 de novembro ás 19:00 h.: “Por que o viño galego está de moda?: radiografía do 2022 e tendencias para o 2023” por Luis Paadín e Alejandro Paadín.

LUGAR:

Museo do Viño de Galicia (Lugar de Camporredondo s/n, Ribadavia).