10 de xuño - 19:30h CÁNDIDO FERNÁNDEZ MAZAS. Conferencia Impartida por JOSÉ MANUEL BOUZAS.

Cándido Fernández Mazas foi, nas palabras de Carlos Gurméndez, un individuo harmonioso con múltiples aptitudes. Encarna o paradigma articulado por Rimbaud: ser absolutamente moderno. A súa actitude responde a este único principio.



Nun ambiente hostil, levou a súa sensibilidade poética ata onde puido a través do debuxo —e da pintura e da escritura— que, de tan sutil, apenas é.

Encaixonado entre a Xeración Nós, o caciquismo zafio, a loita polo pan, a amizade traizoada, as loitas políticas, a súa propia sensibilidade intransixente, unha guerra civil que o destruíu e unha posguerra asfixiante que durou tanto como sabemos e trouxo tantas consecuencias; estivo e estará para sempre —como di Rimbaud no seu poema— preto dos celos dos mendigos, dos bandoleiros, dos amigos da morte e dos retardados de todas as clases.



Mazas foi un rebelde absoluto, capaz, pola beleza, de cometer o maior crime: privarnos de si mesmo, como acabou sucedendo.

Mércores, 10 de xuño · 19:30 h

Museo Etnolóxico

Entrada libre ata completar capacidade