Escena nas profundidades mariñas.
Unha das seis pinturas de gran formato realizadas polo autor na década de 1940 para decorar o comedor das empregadas da fábrica. A vinculación de Lugrís con Bueu remóntase a 1944, cando por convite da familia Massó comeza a traballar en varios encargos. Desta época, ademais do comedor da fábrica, o pintor realiza os bosquexos para a Capela dos Santos Reis, tamén depositados neste museo.