Presentación do catálogo da exposición “Kumbh Mela. O camiño da inmortalidade. Fotografías de Manuel Valcárcel”, no Museo das Peregrinacións e de Santiago
O Museo das Peregrinacións e de Santiago, na súa vocación de documentar, difundir e promocionar as diferentes producións artísticas vinculadas ás peregrinacións e ao Camiño de Santiago vén de publicar o catálogo da exposición temporal «Kumbh Mela. O camiño da inmortalidade. Fotografías de Manuel Valcárcel».
Ademais da obra fotográfica, este catálogo inclúe unha serie de textos que contextualizan o proceso artístico de Valcárcel. Destaca a narración do escritor Antón Lopo en «Efecto Hipnótico», unha crónica persoal da súa propia inmersión no Kumbh Mela de Hariduar en 1998, en contraposición á mirada contemporánea de Valcárcel e as súas imaxes.
Ademais das pezas presentes na exposición temporal a obra contén un número maior de fotografías que permiten experimentar o traballo de Valcárcel de principio a fin. Con textos en galego, castelán e inglés, o catálogo é un recurso escrito e visual do Kumbh Mela 2025 baixo a mirada única de Manuel Valcárcel.
O catálogo estará proximamente dispoñible para a venda na Librería Institucional da Xunta de Galicia
