Edición número cinco do ciclo de Catas Sonoras no Museo do Viño de Galicia, cando o museo está a piques de celebrar o seu sexto ano de vida. As Catas Sonoras permiten gozar en directo de música para todos os gustos, dende o jazz aos autores clásicos, a bossa nova, o blues...

A música desfrútase ao solpor, na terraza do museo, nun entorno de viñedo e arquitectura, e finaliza cunha copa de viño para rematar a sesión e parolar distendidamente.

Ao longo do verán, o programa é o seguinte:

- xoves 3 de xullo: Mister Cool & Vadim Yukhnevich.

Mister Cool, cantante, guitarrista e actor, un dos referentes da música en Galicia e director do Coro de actores e actrices de Galicia.

Vadim Yukhnevich é acordeonista, compositor e cantante. Estuda a súa carreira musical en Minsk, onde foi premiado en tres ocasións en concursos de interpretación de acordeón.

- xoves 10 de xullo: Jimmy Barnatán.

- xoves 7 de agosto: Jeff Espinoza & Gaby Jogeix

- xoves 21 de agosto: Ángeles Dorrio

- xoves 28 de agosto: Olga Brañas & Susanna Blanco