Con moitas burbullas e impurezas de fabricación; o borde é exvasado cara a fóra. Está reconstruída parcialmente cos fragmentos A70-1280 e A70-1190.
Entre os materiais máis característicos dos xacementos ocupados en época romana están os recipientes e outros útiles de vidro, aínda que é máis rara a súa aparición en castros. No de Viladonga están, porén, ben representadas varias formas típicas de vidros romanos, para usos domésticos, de alumeado, de enfeites persoais, etc.