Do 28 de xuño ao 13 de outubro do 2019 We refugees

Centro Galego de Arte Contemporánea (CGAC)

Aínda que nos últimos anos as noticias televisivas e o periodismo catapultaron á primeira plana o fluxo de refuxiados como un problema, a historia do século XX está atravesada polo drama de conflitos e millóns de persoas desprazadas, exiliadas, expatriadas e refuxiadas. A propia historia da humanidade está construída desde o desprazamento forzoso, a fuxida e o asilo. Este proxecto retoma o título dun coñecido ensaio de Hannah Arendt publicado en 1943 en Menorah Journal, unha prestixiosa revista xudía de Nova York, co obxectivo de indicar e sinalar a universalidade do exilio e a construción de sociedades democráticas desde a protección do dereito de asilo.

A exposición trata de resituar o problema dos refuxiados desde unha perspectiva complexa, evitando os elementos sensacionalistas da inmediatez periodística e apuntando a unha reflexión máis histórica que teña en conta o modo no que as nosas sociedades se construíron igualmente desde o exilio, co exilio e a través do exilio.

 

 

 

Comisario/a: Piedad Solans, Santiago Olmo

Artistas participantes:

PEGGY AHWESH    

CAROLE ALFARAH

EUGENIO AMPUDIA

FRANCISCO DE GOYA

SUSO FANDIÑO

ÂNGELA FERREIRA

ROLAND FISCHER

MARCOS ÁVILA FORERO                   

REGINA JOSÉ GALINDO

MARIAM GHANI

ELNAZ JAVANI                                                          

ROGELIO LÓPEZ CUENCA Y ELO VEGA

ANTONI MUNTADAS             

ADRIAN PACI                                       

JESÚS PALOMINO                               

EL PERRO                                               

ALEXANDRA RANNER    

LARISSA SANSOUR                             

WAEL SHAWKY

CLAUDIO ZULIAN

Galería

  • We refugees