Do 1 de decembro do 2017 ao 25 de febreiro do 2018 Alfonso Sucasas. Unha revisión

Museo de Belas Artes da Coruña

O Museo de Belas Artes da Coruña inaugura unha nova exposición que, neste caso, revisa a lectura da obra do pintor Alfonso Sucasas, a través de novas liñas de interpretación do seu traballo e co fin de coñecer mellor os postulados desde os que pintaba, os seus intereses e as súas inquedanzas.

A mostra está comisariada por Miguel Fernández-Cid e repasa os temas e a iconografía do artista Alfonso Sucasas (Goiás, Lalín 1940 – Ferreirós, Vila de Cruces 2012), analizando o que pode haber detrás deles. A exposición nace a partir dunha nova análise duns datos biográficos obxectivos, dunha revisión dos xuízos aceptados como comúns, das palabras do artista en entrevistas e cartas, do estudio da súa obra e do rescate dalgúns traballos ata agora pouco valorados.

Neste sentido, a exposición repasará a temática da obra do artista e a súa iconografía, cun destacado protagonismo dos mitos, da relixión, dos personaxes e da condición humana.