Museos de Galicia

Do 3 de abril ao 30 de decembro do 2017 - 17:00h Visitas contadas

Divulgación das coleccións do museo dun xeito ameno e participativo

Museo das Peregrinacións e de Santiago

As Visitas Contadas por TEP Teatro en Punto, son un percorrido guiado polo museo mesturado coa tradición dos contacontos. O público ten a ocasión de coñecer as pezas expostas e gozar coas lendas, anécdotas e curiosidades relativas ao Camiño de Santiago e á propia historia da cidade. Deste xeito, a riqueza inmaterial dos relatos que, pola súa natureza, non é posible poñer nunha vitrina son o fío condutor para descubrir todas as historias que os bens culturais non poden contar de viva voz.

As Visitas Contadas están dispoñibles todo o ano para grupos cun mínimo de 10 e un máximo de 25 persoas.

Quen desexe participar deberá reservar previamente no Museo das Peregrinacións e de Santiago (sede de Praterías) no teléfono: 981 566 110 ou nos seguintes enderezos electrónicos

difusion.mdperegrinacions@xunta.gal ou  teatroenpunto@gmail.com

As visitas contadas non teñen custo adicional. Aplicaranse as tarifas actuais de entrada.

 

Lugar de celebración

Museo das Peregrinacións e de Santiago (Santiago de Compostela)